महानगरको मेयरसँग जुहारी खेल्नु राजनीतिक रूपमा आत्मघाती सावित -अरविन्द सिंह

एमाले नेताले भने:- केपी ओलीले देउवाको घरमा जलेको पैसाको ठेक्का लिएपछि एमाले स एमाले पुनर्गठन कार्यदलको बैठकमा उनले राखेको स्पष्ट र कडा धारणाले यतिबेला राजनीतिक वृत्तमा राम्रै तरंग पैदा गरेको छ।नेता सिंहका अनुसार, नेतृत्वले बालकोटबाट प्रवाह गर्ने कतिपय हलुका बचाउ र कूटनीतिक कमजोरीले आम जनतालाई एमालेप्रति झन् बढी आक्रामक र आक्रोशित बनाएको छ।एमाले नेताले भने:- केपी ओलीले देउवाको घरमा जलेको पैसाको ठेक्का लिएपछि एमाले सकियोनेकपा एमालेभित्र अहिले नेतृत्वको कार्यशैलीलाई लिएर आन्तरिक समीक्षाको रोचक बाढी नै चलेको छ। यसै क्रममा एमाले सल्लाहकार परिषद्का सदस्य अरविन्द सिंहले पार्टी अध्यक्ष केपी शर्मा ओलीका कतिपय विवादास्पद अभिव्यक्तिमाथि कडा र चोटिलो टिप्पणी गरेका छन् ।

१. देउवाको घरमा जलेको पैसाको ठेक्का
गत भदौ २४ गतेको चर्चित ‘जेनजी (Gen-Z) आन्दोलन’का क्रममा नेपाली कांग्रेसका सभापति शेरबहादुर देउवाको घरमा पैसा जलेको विषयले सामाजिक सञ्जालमा ठूलो चर्चा पाएको थियो। तर, एमाले अध्यक्ष ओलीले त्यसको बचाउ गर्दै ‘त्यो त एआई (Artificial Intelligence) ले बनाएको भिडियो हो’ भनिदिए।यसै विषयमा व्यङ्ग्य गर्दै नेता सिंहले बैठकमा भने:”पार्टी अध्यक्षले शेरबहादुर देउवाको घरमा पैसा फेला परेको होइन, त्यो त एआईले बनाएको हो भनेर ठेक्का लिएपछि आम जनता हाम्रो विरुद्ध झन् बढी आक्रामक बने। यस्ता अभिव्यक्तिले जनतामा विश्वास होइन, उल्टै ‘इरिटेसन’ मात्रै थप्यो।”

२. ‘होशप्रसाद’ बन्न खोज्दा पराजय!
आन्दोलन र जनआक्रोश बढ्नुमा नेतृत्व आफैं जिम्मेवार हुनुपर्नेमा सिंहको जोड थियो। अध्यक्ष ओलीले आफूलाई ‘होशप्रसाद’ (सबै कुरा बुझेको होशभएका नेता) दाबी गरे पनि संकटका बेला आफ्नो गल्ती स्वीकार्नुको साटो सधैं ‘देशी-विदेशी प्रतिक्रियावादी’लाई दोष थुपार्ने शैली अपनाएको उनले बताए। यही आत्मकेन्द्रित स्वभाव र कमजोरी लुकाउने प्रवृत्तिका कारण पार्टीले जनविश्वास गुमाउँदै चुनाव र मोर्चामा हार्नुपरेको उनको विश्लेषण छ।

३. बालेन शाहलाई प्रधानमन्त्री बनाउने ‘क्रेडिट’ एमालेकै!
काठमाडौं महानगरपालिकाका मेयर बालेन्द्र शाह (बालेन) सँगको टक्करलाई लिएर पनि सिंहले नेतृत्वको सातो लिएका छन्। प्रधानमन्त्री जस्तो देशकै सर्वोच्च कार्यकारी पदमा बसेको व्यक्तिले एउटा महानगरको मेयरसँग जुहारी खेल्नु राजनीतिक रूपमा आत्मघाती सावित भएको उनको ठहर छ।

सिंहले एमालेको कार्यशैलीमाथि प्रश्न उठाउँदै थपे:

प्रधानमन्त्री जत्तिको कद भएको व्यक्तिले एउटा मेयरलाई चिढ्याउने, बिच्काउने र जिस्क्याउने काम गरे।पार्टीका जनसंगठनका नेता-कार्यकर्ता पनि आफ्नै अध्ययन र विवेकबिना त्यही लहैलहैमा लागेर बालेनविरुद्ध खनिए।परिणामस्वरूप, बालेन शाहलाई जनतामाझ झन् ठूलो नायक र भविष्यको प्रधानमन्त्रीका रूपमा स्थापित गर्नमा अरू कसैको होइन, स्वयम् एमालेकै ठूलो भूमिका रह्यो।

पछिल्लो परिदृश्य:
एमाले पुनर्गठन कार्यदलको यो आन्तरिक छलफलले के प्रष्ट पार्छ भने, पार्टीभित्र नेतृत्वको ‘वान-म्यान शो’ र हलुका टिप्पणीहरू विरुद्ध अब तल्लो तहदेखि नै असन्तुष्टिका स्वरहरू गुन्जिन थालेका छन्। आफ्नै सल्लाहकारले ऐना देखाइदिएपछि अब एमाले नेतृत्वले आफ्नो रणनीति बदल्ला कि पुरानै ढर्रा समात्ला? त्यो भने हेर्न बाँकी नै छ।