विधि परम्परा अभ्यासअनुसार नै सभा सञ्चालन गरिरहेको दाबी- सभामुख

सबिना प्रजा

प्रतिनिधिसभा बैठकमा विपक्षी दलका सांसदहरूले सभामुखको कार्यशैलीप्रति असहमति जनाउँदै अवरोध गरेपछि सभामुख डाेलप्रसाद अर्यालले यस्तो आग्रह गरेका हुन् ।बैठकमा उनले भने, ‘सभामुखसँग प्रतिस्पर्धा नगरौँ माननीय सदस्यहरू । कानुन निर्माणमा प्रतिस्पर्धा गरौँ, देशको विकासमा प्रतिस्पर्धा गरौँ।’

सभामुख अर्यालले आफूले स्थापित विधि, परम्परा र संसदीय अभ्यासअनुसार नै सभा सञ्चालन गरिरहेको दाबी गरे ।उनले भने, ‘मैले विधि, परम्परा र नियमविपरीत केही पनि गरेको छैन । सभाले बनाएको विधिअनुसार नै बैठक सञ्चालन गरेको हुँ, यसलाई अन्यथा नलिन आग्रह गर्दछु।’सभामुखको आग्रहका बाबजुद विपक्षी दलका सांसदहरूले अवरोध जारी राखे । त्यसपछि सभामुख अर्यालले प्रतिनिधिसभा बैठक १५ मिनेटका लागि स्थगित गरेका छन् ।