कीर्तिमान भन्दा माथि विनम्रता साहस निष्ठा र साथका लागि सम्झिरहने

श्रद्धाञ्जली सन्देश लेख्दै मिंग्मा जीले किलुलाई आफूले चिनेका सबैभन्दा विनम्र, समर्पित र भरपर्दा आरोहण सहयात्रीमध्ये एकका रूपमा स्मरण गरेका छन्।चर्चित नेपाली पर्वतारोही मिंग्मा जी शेर्पाले ब्रड पिकमा भएको हिमपहिरोमा ज्यान गुमाएका आफ्ना लामो समयदेखिका आरोहण सहयात्री तथा साथी किली पेम्बा शेर्पा ‘किलु’लाई भावुक रूपमा सम्झिएका छन्।

मिंग्मा जीका अनुसार किलु हिमालमा अगाडि रहेर नेतृत्व गर्ने र भारी झोला बोकेर हिँड्ने आरोही थिए। उनले किलु अब यो संसारमा छैनन् भन्ने कुरा अझै पनि पत्याउन गाह्रो भइरहेको बताएका छन्।किलु मेरो साथमा कुनै पनि हिमालमा हुँदा मलाई कहिल्यै डर लागेन। उनको उपस्थिति नै मेरो सहारा थियो,’ मिंग्मा जीले लेखेका छन्।उनले किलुसँग गरेका प्रत्येक आरोहण सफल भएको स्मरण गर्दै उनको निधनले आफूलाई अझ ठूलो पीडा दिएको बताएका छन्।

१४ वटा ८ हजार मिटर अग्ला हिमालको कीर्तिमानकिली पेम्बा शेर्पाले निधन हुनुभन्दा केही साताअघि मात्रै पर्वतारोहणको महत्वपूर्ण उपलब्धि हासिल गरेका थिए। उनले विश्वका ८ हजार मिटरभन्दा अग्ला सबै १४ वटा हिमाल आरोहण पूरा गरेका थिए।पाकिस्तानस्थित नाङ्गा पर्वत आरोहणसँगै उनले १४ वटै आठ हजार मिटर अग्ला हिमाल चढ्ने उपलब्धि पूरा गरेका थिए।तर उक्त ऐतिहासिक उपलब्धिको खुसी मनाउन नपाउँदै उनको ज्यान गएको मिंग्मा जीले उल्लेख गरेका छन्।किलुको आरोहण यात्रामा सन् २०२१ मा विश्वको दोस्रो अग्लो हिमाल के–टुको पहिलो हिउँदे आरोहण पनि महत्वपूर्ण उपलब्धिका रूपमा रहेको थियो।

त्यस्तै, उनले मनास्लुको नयाँ मार्ग पहिचान तथा वास्तविक शिखर पुग्ने मार्गको विकासमा समेत महत्वपूर्ण भूमिका खेलेका थिए।‘हरेक हिमालको शिखरमा नेपाली झण्डा बोकेर पुग्थे’मिंग्मा जीले किलुको देशप्रतिको सम्मान र राष्ट्रिय भावनालाई समेत स्मरण गरेका छन्।नेपाली भाषामा लेखिएको सन्देशमा उनले किलुले आफूले चढेका हरेक हिमालको शिखरसम्म नेपाली राष्ट्रिय झण्डा लैजाने गरेको बताएका छन्।मिंग्मा जीले किलु र ब्रड पिक दुर्घटनामा ज्यान गुमाएका अन्य नेपाली आरोहीलाई सरकारले उच्च सम्मानसहित अन्तिम बिदाइको व्यवस्था गर्नुपर्ने आग्रहसमेत गरेका छन्।

गृहजिल्लामा किलुको सालिक बनाइने मिंग्मा जीले किली पेम्बा शेर्पाको सम्मानमा उनीहरूको गृहजिल्लामा सालिक निर्माण गर्ने तयारी भइरहेको समेत बताएका छन्।सालिक निर्माणका लागि जिल्लामै स्थान छनोट गर्ने र त्यसलाई अन्तिम रूप दिने तयारी भइरहेको उनले उल्लेख गरेका छन्।किलु, गेलु र निमाको शव मंगलबार नेपाल ल्याइनेमिंग्मा जीका अनुसार किली पेम्बा शेर्पा, ग्यालु शेर्पा र निमा शेर्पाको शव मंगलबार, अगस्ट ११, अपराह्न ४ः४५ बजे नेपाल आइपुग्ने तय भएको छ।ब्रड पिकमा अन्तर्राष्ट्रिय आरोहण टोलीमाथि आएको हिमपहिरोमा उनीहरूसहितका आरोहीको ज्यान गएको थियो।

किलुलाई नजिकबाट चिन्नेहरूका लागि भने उनको पहिचान केवल आरोहणका कीर्तिमानमा सीमित छैन। उनी सहयात्रीका लागि भरोसा, हिमालमा अगाडि रहेर नेतृत्व गर्ने आरोही र साथीहरूका लागि आत्मविश्वासको आधारका रूपमा सम्झिने गरिएका छन्।मिंग्मा जीले आफ्नो श्रद्धाञ्जली सन्देशको अन्त्यमा किलुलाई सम्झिँदै लेखेका छन्—‘किलु, मेरा प्रिय दाइ, तपाईंको आत्माले चिरशान्ति पाओस्।’किली पेम्बा शेर्पाले छाडेको आरोहण विरासतमा १४ वटा आठ हजार मिटर अग्ला हिमालको उपलब्धिसँगै के–टुको हिउँदे आरोहण र मनास्लुमा पुर्‍याएको योगदान जोडिएको छ। उनका सहयात्रीका लागि भने उनी यी कीर्तिमानभन्दा माथि विनम्रता, साहस, निष्ठा र साथका लागि सम्झिरहने नाम बनेका छन्।