देशभक्ति भनेको सत्यबाट भाग्नु होइन सत्य जे छ त्यही स्वीकार गरेर नेपालको हितमा – बालेन शाह

धेरै साथीहरू यो भनाइ सुनेर रिसाउनुभएको छ। तर एक पटक भावनाभन्दा तथ्यलाई पनि हेरौँ।’नेपालले भारतको जग्गा मिचेको छ’ भनेर नेपालको भूमि छोड्ने कुरा गरिएको होइन भन्न खोजेको कुरा के हो भने, नेपाल भारत सीमामा वर्षौँदेखि कतिपय स्थानमा दुवै देशले आ आफ्नो दाबी गर्दै आएका विवादित क्षेत्रहरू छन्।हामीले आफ्नो भूमि छोड्ने होइन, आफ्नो भूमि जोगाउने हो। तर समाधानका लागि दुवै देशले नक्सा, प्रमाण र इतिहासका आधारमा बसेर कुरा गर्नुपर्छ।सत्य कुरा गर्दा कहिलेकाहीँ नराम्रो लाग्न सक्छ। तर देश चलाउने जिम्मेवारी भावनाले मात्र होइन, तथ्य र कूटनीतिले पनि पूरा गर्नुपर्छ।कुराको आधा भाग सुनेर निष्कर्षमा नपुगौँ।मैले भनेको यति मात्र हो कि सीमा सम्बन्धी विषयमा दुवै देशका आ-आफ्ना दाबी, नक्सा र तथ्यहरू छन्। त्यस्ता विषयहरू नाराबाजीले होइन, प्रमाण र संवादले समाधान हुन्छन्।देशभक्ति भनेको सत्यबाट भाग्नु होइन। सत्य जे छ, त्यही स्वीकार गरेर नेपालको हितमा समाधान खोज्नु हो।नेपालको एक इन्च भूमि पनि कसैलाई दिने अधिकार कसैसँग छैन। तर छिमेकीसँगको विवाद समाधान गर्ने जिम्मेवारी भने राज्यको हो।