कृष्णभीरको बाटो खुल्यो यातायात सञ्चालनमा

सबिना प्रजा
धादिङ — पृथ्वी राजमार्गअन्तर्गत धादिङको कृष्णभीर क्षेत्रमा बन्द भएको सडक खुलेको छ। पहिरो तथा सडकमा जम्मा भएको माटो–ढुंगा हटाएपछि अहिले सडक सञ्चालनमा आएको हो।
सडक खुलेसँगै रोकिएका सवारीसाधन क्रमशः गन्तव्यतर्फ जान थालेका छन्। सडक खुलाउन डोजर तथा अन्य निर्माण उपकरण प्रयोग गरी पहिरो पन्छाइएको थियो।
यद्यपि सडकमा हिलो तथा चिप्लोपन रहेकाले सवारी चालकलाई सावधानीपूर्वक यात्रा गर्न आग्रह गरिएको छ। वर्षाका कारण पुनः पहिरो खस्न सक्ने सम्भावना रहेकाले यात्रुले आवश्यक सतर्कता अपनाउनुपर्ने देखिन्छ।