अर्जेन्टिना फुटबल संघले घरेलु मैदानमा विशेष बिदाइ सम्मान कार्यक्रम आयोजना
मेसीले अर्जेन्टिनाका लागि २०७ खेल खेलेर १२५ गोल गरेका छन्। उनी अर्जेन्टिनाका सर्वाधिक गोलकर्ता र सर्वाधिक खेल खेल्ने खेलाडीका रूपमा राष्ट्रिय टोलीबाट बिदा हुँदैछन्।अर्जेन्टिनाका महान् फुटबलर लियोनल मेसीले अन्तर्राष्ट्रिय फुटबलबाट सन्यास घोषणा गरेका छन्। ३९ वर्षीय मेसीले ३१ अगस्ट २०२६ मा सामाजिक सञ्जालमार्फत राष्ट्रिय टोलीबाट आफ्नो यात्रा टुंग्याउने निर्णय सार्वजनिक गरेका हुन्।
उनले राष्ट्रिय टोलीसँग विश्वकप २०२२ जित्नुका साथै २०२१ र २०२४ कोपा अमेरिका उपाधि पनि जितेका थिए। २०२६ को विश्वकपमा भने अर्जेन्टिना स्पेनसँग १–० ले पराजित हुँदै उपविजेता बनेपछि मेसीको अन्तर्राष्ट्रिय करियरको अन्तिम खेलसमेत त्यही फाइनल बन्यो।तर अर्जेन्टिनासँग मेसीको यो सफल अध्याय सजिलै सुरु भएको थिएन।२०१६ : ‘अब सकियो’ भन्ने क्षण सन् २०१६ को कोपा अमेरिका फाइनलमा चिलीसँग पेनाल्टी सुटआउटमा अर्जेन्टिना पराजित भएपछि मेसीले पहिलोपटक अन्तर्राष्ट्रिय फुटबलबाट सन्यास घोषणा गरेका थिए।त्यतिबेला उनी केवल २९ वर्षका थिए। फाइनलमा पेनाल्टी मिस गरेपछि निराश बनेका मेसीले राष्ट्रिय टोलीसँगको यात्रा समाप्त भएको घोषणा गरेका थिए।अर्जेन्टिना लगातार ठूला प्रतियोगिताको फाइनलमा पराजित हुँदै आएपछि मेसीमाथि चर्को आलोचना भइरहेको थियो। २०१४ को विश्वकप फाइनल तथा २००७, २०१५ र २०१६ कोपा अमेरिका फाइनलमा पराजय भोगेको टोलीका कप्तानका रूपमा उनीमाथि ठूलो दबाब थियो।तर मेसीको सन्यास घोषणाले अर्जेन्टिनामा उल्टै ठूलो भावनात्मक लहर ल्यायो। समर्थक, खेलाडी, प्रशिक्षक र राजनीतिक नेतृत्वसम्मले उनलाई राष्ट्रिय टोलीमा फर्कन आग्रह गरे।त्यसपछि मेसीले आफ्नो निर्णय परिवर्तन गरे।फर्किएपछि सुरु भयो करियरकै स्वर्णिम अध्यायराष्ट्रिय टोलीमा फर्किएपछि मेसीले फेरि अर्जेन्टिनालाई उपाधिको यात्रामा डोर्याए।२०१८ को विश्वकपमा अर्जेन्टिना अन्तिम १६ बाटै बाहिरिए पनि त्यसपछि टोलीको यात्रा लगातार सफल बन्दै गयो।सन् २०२१ मा अर्जेन्टिनाले कोपा अमेरिका जित्यो। त्यसपछि २०२२ मा फाइनलिसिमासहित कतार विश्वकपको उपाधि जित्दै मेसीले आफ्नो करियरको सबैभन्दा ठूलो सपना पूरा गरे।
विश्वकप जितेपछि अर्जेन्टिनामा मेसीमाथिको दृष्टिकोण नै बदलियो। लामो समयसम्म उनलाई डिएगो म्याराडोनासँग तुलना गर्दै आलोचना गर्नेहरूका लागि मेसीले अन्ततः आफ्नै इतिहास निर्माण गरे।२०२६ को विश्वकपले फेरि पुरानो घाउ सम्झायोमेसीले २०२६ को विश्वकपमा पनि उत्कृष्ट प्रदर्शन गर्दै अर्जेन्टिनालाई फाइनलसम्म पुर्याए। तर निर्णायक खेलमा स्पेनसँग १–० ले पराजित भएपछि दोस्रोपटक लगातार विश्वकप जित्ने अर्जेन्टिनाको सपना अधुरै रह्यो।विशेष संयोग के भयो भने २०१६ मा मेसीले पहिलोपटक सन्यास घोषणा गरेको त्यही न्यूयोर्क–न्यु जर्सी क्षेत्रको मैदानमा २०२६ को विश्वकप फाइनल खेलिएको थियो। १० वर्षअघिको पीडादायी क्षणबाट सुरु भएको कथा त्यही ठाउँमा आएर समाप्त भयो।२० वर्षको यात्रामा बदलियो मेसीको छवि रहेकाे थियाे ।
मेसीले अर्जेन्टिनाका लागि दुई दशकभन्दा लामो अन्तर्राष्ट्रिय करियर बिताए। सुरुवाती वर्षमा उपाधि जित्न नसकेको भन्दै आलोचना खेपेका उनले करियरको अन्तिम चरणमा राष्ट्रिय टोलीसँग उपलब्ध हुनसक्ने सबैभन्दा ठूला उपाधि जिते।उनको नेतृत्वमा अर्जेन्टिनाले २०२१ र २०२४ कोपा अमेरिका तथा २०२२ विश्वकप जित्यो। उनले विश्व फुटबलको सबैभन्दा ठूलो मञ्चमा अर्जेन्टिनाको पुस्तौंदेखिको उपाधि प्रतीक्षा अन्त्य गरे।मेसीले आफ्नो विदाइ सन्देशमा समयसँगै एउटा अध्याय अन्त्य हुने उल्लेख गर्दै आफूले अर्जेन्टिनाको जर्सीका लागि सक्दो दिएको बताएका छन्। उनले राष्ट्रिय टोलीमा आफूले आफ्नो सबै शक्ति दिएको र अब नयाँ पुस्ताले अवसर पाउने समय आएको संकेत गरेका छन्।अब उनको अन्तर्राष्ट्रिय यात्रा औपचारिक रूपमा समाप्त भएको छ। यद्यपि अर्जेन्टिना फुटबल संघले उनलाई घरेलु मैदानमा विशेष बिदाइ खेल वा सम्मान कार्यक्रम आयोजना गर्न सक्ने सम्भावनाबारे चर्चा भइरहेको छ।