इन्द्रकुमार चाम्लिङ प्रहरी नियन्त्रणमा कालाे धन्दाका मालिक हुन त?
सार्वजनिक जग्गामा निर्माण गरिएको भनिएको चर्चित ८ तले घरका मालिक इन्द्रकुमार चाम्लिङलाई प्रहरीले नियन्त्रणमा लिएको छ।काठमाडौँका प्रमुख जिल्ला अधिकारी ईश्वरराज पौडेलका अनुसार चाम्लिङको घरबाट प्रहरी पोसाक, आर्मी कम्ब्याट तथा हतियारजस्ता देखिने सामग्री फेला परेका छन्। ती सामग्रीबारे थप अनुसन्धान तथा सोधपुछका लागि उनलाई पक्राउ गरिएको प्रमुख जिल्ला अधिकारी पौडेलले बताएका छन्।यसैबीच, जिल्ला प्रहरी परिसर काठमाडौँका प्रवक्ता पवन भट्टराईले भने चाम्लिङलाई बरामद भएका सामग्रीबारे सोधबुझ गरी कागज गराउने प्रयोजनका लागि बोलाइएको बताएका छन्।उक्त घटनाबारे थप अनुसन्धान भइरहेको प्रहरीले जनाएको छ।