निजी विद्यालयहरूले अभिभावकबाट असुल गरेको अवैध भर्ना शुल्क तुरुन्त फिर्ता गर्न आग्रह

शिक्षा मन्त्री सस्मित पोखरेलले शैक्षिक सत्र सुरु हुनुअघि नै निजी विद्यालयहरूले अभिभावकबाट असुल गरेको अवैध भर्ना शुल्क तुरुन्त फिर्ता गर्न आग्रह गरेका छन्। पछिल्लो समय भर्ना शुल्कको नाममा मनपरी असुली भइरहेको गुनासो बढेपछि मन्त्रालयले यसप्रति ध्यानाकर्षण जनाएको हो।

मन्त्री पोखरेलले अभिभावकलाई आर्थिक बोझ नपार्ने गरी विद्यालयहरूले नियमअनुसार मात्र शुल्क लिनुपर्ने स्पष्ट पारेका छन्। कानुन विपरीत असुल गरिएको रकम तत्काल फिर्ता नगरे कडा कारबाही गरिने संकेत पनि उनले दिएका छन्।मन्त्रालयले शिक्षा क्षेत्रमा पारदर्शिता र उत्तरदायित्व कायम गर्न यस्ता गतिविधिमाथि निगरानी बढाउने जनाएको छ। साथै अभिभावकहरूलाई पनि सचेत रहन र अवैध असुली भएमा सम्बन्धित निकायमा उजुरी गर्न आग्रह गरिएको छ।