सुरक्षा मजबुत नागरिकता वितरण प्रक्रिया अघि बढाउने विषयमा सहमति
सबिना प्रजा
जिल्ला प्रशासन कार्यालय नवलपरासीमा छलफल गरिएको छ। सुस्ताका बासिन्दा काठमाडौंमा आन्दोलन सक्दै गाउँ फर्किएका छन्। सीमा अतिक्रमण रोक्न, नागरिकता र लालपुर्जा उपलब्ध गराउनुपर्ने मागसहित उनीहरूले प्रदर्शन गरेका थिए। प्रमुख जिल्ला अधिकारी दीपकराज नेपालसहित सुरक्षा निकायका प्रमुखहरूको सहभागितामा गृह मन्त्रालयको निर्देशन कार्यान्वयनबारे छलफल भएको हो।
छलफलमा सीमा सुरक्षा मजबुत बनाउने र नागरिकता वितरण प्रक्रिया अघि बढाउने विषयमा सहमति भएको सहायक प्रमुख जिल्ला अधिकारी पोषणराज भण्डारीले जानकारी दिएका छन्।प्रशासनले सुस्ता क्षेत्रमा सशस्त्र प्रहरी र नेपाल प्रहरीको जनशक्ति थपिएको र गस्ती अझ बढाइने जनाएको छ।