नेपाली कथानक चलचित्र “बिगुल” को फस्ट लुक्स पोष्टर सार्वजनिक हुँदै

म्यागनोलिया ग्रुपको निर्माण तथा कल्पना पौडेलको प्रस्तुति रहेको नेपाली कथानक चलचित्र “बिगुल” को फस्ट लुक्स पोष्टर भोलि मंसिर १४ गते, आइतबार बिहान १०:५५ बजे सार्वजनिक हुँदैछ।
सामाजिक न्याय र राजनीतिक सचेतनाबाट जन्मिएको नयाँ मार्ग चलचित्र “बिगुल”, जहाँ भुइँमान्छेहरूको सपना, संघर्ष र बलिदानीको इतिहास पर्दामा लेखिएको छ।
दिनेश कोइरालाको कथा तथा निर्माता रहेको यस चलचित्रलाई अनुभवी तथा वरिष्ठ निर्देशक रमेश कोइरालाले निर्देशन गरेका हुन ।
चलचित्रमा बेनिशा हमाल, नरेन खड्का, रमेश बुढाथोकी, निर शाह,बिनोद न्यौपाने, सरोज खनाल, हेमन्त बुढाथोकी,जेएन घिमिरे, शिशिर बाङगेल, गीता अधिकारी,मीरा पन्डित, मानुशी शर्मा लगायतका कलाकारहरूको दमदार अभिनय रहेको छ। सिनेम्याट्रोग्राफर शिव ढकालको कौशलतामा तयार भएको यो चलचित्र समाज, सत्ता र भुइँमान्छे र युवाहरूको आत्मसम्मानकै कथा बोकेको छ ॥
चलचित्र अल नेपाल माग ९ गते रिलिज हुुने वरिष्ठ निर्देशक रमेश कोइरालाले बताउनु भयाे ।