पोखरामा रङ लगाउदै गरेका मजदुरको करेन्ट लागेर मृत्यु

पोखरा । पोखरामा रङ लगाउदै गरेका मजदुरको करेन्ट लागेर मृत्यु भएको छ ।मृत्यु हुनेमा सिन्धुली जिल्ला घर भइ हाल कास्की जिल्ला पोखरा महानगरपालिका वडा नं. १७ घारीपाटन बसोबास गर्ने करिब ४० वर्षीय कृष्णबहादुर राना मगर रहेका छन् । मगरको आज दिउसो निर्माणाधीन घरमा काम गर्दा करेन्ट लागेर मृत्यु भएको हो ।मगरले पोखरा महानगरपालिका वडा नं. ५ प्रस्याङ खुँडेपोखरी नजिकै रहेको निर्माणाधीन घरमा रङ लगाउने क्रममा करेन्ट लागेर उनको मृत्यु भएको हो । यस विषयमा थप अनुसन्धान भैरहेको जिल्ला प्रहरी कार्यालय कास्कीले जानकारी दिएको छ ।