माडी–भरतपुर सम्पर्क मंन्च कार्यालय स्थापना

पूर्ण चन्द्र चापागाई

माडी–भरतपुर सम्पर्क मञ्चले संस्थाको भरतपुर–७, कटहर चोकमा (मितेरी सहकारी सगैँ) नयाँ कार्यालय स्थापना गरेको छ । मञ्चको औपचारीक बैठक बसी नयाँ कार्यालयको प्रारम्भ गरिएको हो । बैठकले नयाँ बर्ष २०८१ सालको भित्ते पात्रो प्रकाशन गर्ने निर्णय गरि विभिन्न कार्यविभाजनहरु समेत गरेको छ । मञ्चले संस्थाको सञ्चार संयोजकमा गाेबिन्द न्यौपानेलाई चयन गरेको छ । नया कार्यसमिति चयन भएर आए सगै आफ्ना गतिविधिहरु बढाएको मञ्चले यो बर्ष माडीमा संचालित खानेपानी योजना समयमै सक्न र भएका खानेपानी योजनालाई थप ब्यवस्थीत र प्रभावकारी बनाउन सम्बन्धीत निकायहरु सगँ समन्वयात्मक पहल गर्ने निर्णय गरि सोहि अनुसार भेटघाट तथा ज्ञापनपत्र बुझाउने कार्य गरिरहेको छ । वि.स.२०६२ सालमा स्थापना भएको यस मञ्चले माडीबाट भरतपुर आई बसोबास गरेका माडीबासी र माडी लक्षित विभिन्न रचनात्मक कार्यहरु गर्दै आईरहेको छ ।