२किलो ३० ग्राम लागु औषध अफिम जस्तो देखिने पदार्थ र नगद रु. २,१६,५००।- सहित १ जना नियन्त्रणमा
जिल्ला प्रहरी कार्यालय चितवनबाट खटिएको प्रहरी टोलीले प्राप्त सूचनाको आधारमा मिति २०८०/११/२० गते साँझ १९:३० बजेको समयमा जिल्ला चितवन भरतपुर महानगरपालीका वडा नं. १० चौविसकोठी स्थित पुर्व पश्चिम लोकमार्ग सडक खण्डमा सार्वजनिक सवारीबाट ओर्लिई शंकास्पद रुपमा पैदल हिंडिरहेको अवस्थामा जिल्ला कालिकोट पचालझरना गाँउपालिका वडा नं. ५ बस्ने बर्ष ४० को केशव बमलाई चेकजाँच गर्दा निजले बोकेको झोलामा लुकाई छिपाई ल्याएको लागुऔषध अफिम जस्तो देखिने पदार्थ २ किलो ३० ग्राम र नगद रु. २,१६,५००।– फेला परेको हुँदा निज केशव बमलाई उक्त लागुऔषध अफिम जस्तो देखिने पदार्थ र रकम सहित नियन्त्रणमा लिई थप अनुसन्धान भईरहेको ।
पक्राउ मानिस : १) जिल्ला कालिकोट पचालझरना गा.पा. वडा नं. ५ बस्ने बर्ष ४० को केशव बम
बरामद सामान : १) लागुऔषध अफिम जस्तो देखिने पदार्थ २ किलो ३० ग्राम ।
२) नगद रु. २,१६,५००।– रहेकाे जिल्ला प्रहरी कार्यलय का सुचना अधिकारिले बताउनु भयाे ।
