अर्किड स्कुलका विद्यार्थीहरूद्वारा बृद्ध र बालबालिका लाई सहयोग प्रदान

अर्किड स्कुल भरतपुर -१० का विद्यार्थीहरूद्वारा चितवन मानव सेवा आश्रम भरतपुर – ९ काअसहाय बृद्धहरू र मन्जुश्री असहाय संरक्षण केन्द्र भरतपुर ११ का असहाय बालबालिका हरूलाइ सहयोग प्रदान गरिएको छ।
विद्यार्थीहरूले यहि फागुन ४ गते परेको विद्यालयको १३ औ वार्शिकोत्सवमा सन्चालित ” फुड्स्टल ” बाट जुटाएको रकमले संबंधित संस्थाहरूलाइ आर्थिक सहयोग गरेका हुन ।
कार्यक्रम संयोजक शिक्षिका संगीता ढकालका अनुसार विद्यालय ले आफ्नो आदर्श अन्तरगत राखेका; स्नेह, सत्कार,सहकार्य, सहयोग र सक्रियता को निरन्तर अभ्यासको क्रममा विद्यार्थीहरूलाइ सामाजिक परिचालन गर्ने र सु -सुचित गर्ने अभिप्रायले विद्यार्थीहरूलाइ सहयोगात्मक कार्यक्रममा सहभागी गराइएको हो।
चितवन मानव सेवा आश्रमको तर्फबाट देवि आचार्य ले अर्किड को विद्यार्थीहरूको सहयोगि मन सह्राहनिय रहेको बताउनु भयो। त्यसैगरि मन्जुश्री असहाय संरक्षण केन्द्रकी संस्थापक मन्जु खाडले कलिला बालबालिकाको आफ्नो उमेर सरह का अन्य असहाय बालबालिकाप्रती गरिएको सहयोगले आफुलाइ हौसला मिलेको बताउनु भयो।