पारिजात इङ्ग्लिस बोर्डिङ स्कुलको २८ औ बार्षिकोत्सव तथा अभिभावक दिवस सम्पन्न

-हेमराज बस्याल

विद्यालयको प्राङ्गणमा सुरु भएको पारिजात इङ्ग्लिस बोर्डिङ स्कुलको २८ औ वार्षिकोत्सव भब्यताको साथ सु-सम्पन्न भएको छ। भरतपुर महानगरपालिकाका उपमेयर चित्रसेन अधिकारीको प्रमुख आतिथ्यमा पानसमा दिप प्रज्वलन गरि सुरु भएको कार्यक्रमको सभापती विद्यालय संचालक समितिका अध्यक्ष विष्णु प्रसाद तिवारी रहनु भएको थियो। विशिष्ट अतिथी, नेपाल रेडक्रस सोसाइटी चितवन शाखाका सभापती हरी पौडेल, मानव अधिकार तथा शान्ती समाज चितवन शाखाका सभापती शम्भु राउत रहनु भएको थियो । बिद्यालयका प्राचार्य अरविन्द प्रताप राणाले विद्यालयको प्रगती विवरण प्रस्तुत गर्नु भएको थियो। कार्यक्रमको सुरुवातमा शुभकामना मन्तव्य डोलनाथ अधिकारी, विष्णु प्रसाद शर्मा, रुद्र अधिकारी, हरी पौडेल, चित्रसेन अधिकारी लगायत अन्य अतिथि ज्युहरुले दिनु भएको थियो। सोही कार्यक्रमको बिचमा बिभिन ब्यक्तिहरुलाइ सम्मान पनि गरिएको थियो। सम्मानित हुने व्यक्तित्वहरुमा समाजसेवी चुडामणी पौडेल, हरिश्चन्द्र सुवेदी, सरोज कोइराला लगायत थुप्रै रहनु भएको थियो। कार्यक्रमलाइ थप रोमान्चक बनाउन सांस्कृतिक कार्यक्रम, खेलकुद, तेक्वान्दो, लघु नाटक प्रदर्शन, नृत्य आदि पनि भएका थिए। अभिभावकहरु बिचको खेलले कार्यक्रममा थप सुगन्ध थप्न पुग्यो। वार्षिकोत्सबको अवसर पारेर थुप्रै विधामा पुरस्कार वितरण समारोह पनि भयो। सोही अवसरमा खेलकुदको पुरस्कार, शैक्षिक पुरस्कार र विद्यालयमा दिर्घसेवा गर्नुभएका १२ जना शिक्षक र शिक्षिकाहरुलाइ सम्मान गरियो र पुरस्कार नि वितरण गरियो। पारिजात तेक्वान्दो डोजाङ्गको विशेष प्रस्तुतीले थप कार्यक्रम रमाइलो रह्यो। कार्यक्रमको सहजीकरण सह प्राचार्य जीवन के सी , शिक्षिकाहरु द्वय शान्ती राउत र मनिता तामाङ्ग लगायतले गर्नु भयो।