१२० मत सहित अध्यक्ष पदमा खगराज कडेल निर्वाचित

चितवन जिल्ला अदालत बार एशोसियसनको आज भएको निर्वाचनमा प्रत्यासी अध्यक्षका उम्मेदवार गजेन्द्र वस्ती ५५ मत सहित पराजित हुनुभएको छ । उपाध्यक्ष पदमा खगेश्वर अधिकारी ११९ मतसहित निर्वाचित हुदा प्रत्यासी बद्री गौतम ५३ मत सहित पराजित हुनु भयो । सचिव पदमा श्रीराम दवाडी १३७ मतसहित बिजयी हुनुभयो भने  प्रत्यासी जनकराम पौडेल ३७ मतसहित पराजित रहनु भयो । सह सचिव पदमा शिवकुमारी पाण्डे निर्विरोध निर्वाचित हुनुभएको हो । उहाको प्रतिद्वन्द्वी कोहि रहनु भएको थिएन। कोषाध्यक्ष पदमा रमेश काफ्ले १२६ मत सहित निर्वाचित हुदा प्रत्यासी धर्मेन्द्र थापा ४९ मतसहित पराजित रहनु भयो ।  महिला सदस्यमा पृथ्वी देवी सुवेदी निर्बिरोध निर्वाचित हुनुभयो। खुल्ला सदस्यमा  श्री राम सापकोटा , सरोज काफ्ले, तिर्थराज पोख्रेल, बलराम पौडेल, सुनिता अधिकारी, नारायण गिरि, महेश चन्द्र न्यौपाने निर्बिरोध निर्वाचित हुनुभएको हो ।

केन्द्रीय पार्षद पदमा टेकनाथ अधिकारी, हरि भक्त ढकाल, राम गोपाल श्रेष्ठ, अजयकुमार तामाङ , रामनाथ घिमिरे, प्रकाश राज थपलिया, प्रेम कुमार श्रेष्ठ , रामचन्द्र भट्ट निर्बिरोध निर्वाचित हुनुभएको हो ।

चितवन जिल्ला अदालत बार एशोसियसनको आज मिति २०७९ माघ १३ गते भएको निर्वाचनमा जम्मा २०३ मतदाता भएकोमा चितवन बार एशोसियसनको निर्वाचनमा जम्मा १८० मत खसेको कुरा बार एसोसियसनका आज निर्वाचित सचिव अधिवत्ता श्री राम दवाडीले चिरफार खबरका सह-सम्पादक श्री पूर्णचन्द्र चापागाई लाइ बताउनु भयो । आधिकारिक निर्वाचनको घोषणा निर्वाचन समितीका संयोजक बरिष्ठ अधिवक्ता धर्मराज आचार्यले दिनु भएको हो।