क्षमताअभिबृद्वी सम्बन्धि दुई दिने तालिम कार्यक्रमको उद्घघाटन
भरतपुर महानगरपालिका द्वारा आयोजित स्थानीय सरकारहरुको क्षमता अभिबृद्वी सम्बन्धि दुई दिने तालिम कार्यक्रमको उद्घघाटन सत्रमा सहभागी हुनु हुदै आदरणीय उप प्रमुख ज्यु । कार्तिक ४ गते सम्म जारी रहने उक्त तालिममा भरतपुर महानगरका २९ वटै वडाका अध्यक्ष तथा प्रतिनिधि, कार्यपालिका सदस्य तथा अन्य क्षेत्रका ब्यक्तिहरुको उपस्थिति रहेको छ । उद्घघाटन सत्रमा बोल्दै उप प्रमुख ज्यु ले प्राकृतिक विपदको जोखिमबाट हुने क्षतीबाट बच्न यस्ता तालिमले महत्त्वपूर्ण भुमिका खेल्नेमा विस्वास व्यक्त गर्नु भयो । साथै उहाँले बिना सूचना आउने बिपदबाट जोगिन उच्च साबधानी अपनाउन सबैमा आग्रह समेत गर्नु भयो ।
प्राकृतिक प्रकोपहरु जस्तैः भूकम्प, आगलागि, बाढी पहिरो, हावाहुरी, वायुप्रदुषण, शीतलहर, हिमपात लगायतबाट हुने हानी नोक्सानी र जोखिम कम गर्न दुई दिने तालिमको आयोजना गरिएको हो ।
तालिममा सहभागीहरुलाई दुई दिनसम्म प्राकृतिक विपद आउनु अघि, आएको समयमा र विपद आइसकेपछि जोखिम न्यूनीकरण गर्न कसरी तयारी गर्ने भन्ने बारेमा तालिम प्रदान गरिने भरतपुर महानगरले जनाएकाे छ ।
