प्रहरी दिवस -२०७९ को अवसरमा जिल्ला प्रहरी कार्यालय चितवनद्वारा विशेष कार्यक्रम सम्पन्न

मिति २०७९/०६/३१ गते जिल्ला समन्वय समितिका प्रमुख नारायण प्रसाद अधिकारीको प्रमुख आतिथ्यतामा सञ्चालन भएको कार्यक्रममा अमर प्रहरी स्मारकमा पुष्पहार चढाई सर्दाञ्जली अर्पण गरिएको थियो । अमर प्रहरी परिवार संघका अध्यक्ष, पूर्व प्रहरी संगठनका अध्यक्ष, प्रमुख जिल्ला अधिकारी असमान तामाङ ज्यू, चितवन जिल्ला न्यायधीश रितिन्द्र थापा, नेपाल प्रहरी शिक्षालय भरतपुरका निर्देशक प्र.ना.म.नी सन्दिप भण्डारीले शुभकामना मन्तव्य गर्नु भएको थियो साथै जिल्ला प्रहरी कार्यालय चितवनका प्रमुख नवराज अधिकारी ज्यूले धन्यवाद मन्तव्य व्यक्त गर्नु भएको थियो, जिल्ला प्रहरी कार्यालयका प्र.ना.उ. विजय राज पण्डितले स्वागत मन्तब्य ब्यक्त गर्नुका साथै प्र.ना.उ. नरहरी अधिकारीले उद्घोषण गर्नु भएको थियो । उक्त कार्यक्रममा अमर प्रहरी परिवार संघका परिवारजनलाई दोसल्ला ओढाई सम्मान गरिएको थियो, त्यसैगरी पूर्व प्रहरी संगठनका अध्यक्ष र चितवन जिल्ला भरिका सबै भन्दा जेष्ठ प्रहरीलाई कदरपत्र प्रदान गरिएको एवम जिल्ला प्रहरी कार्यालय चितवन र मातहत समेतमा कार्यरत प्रहरी कर्मचारीहरुलाई पुरस्कृत गरिएको जिल्ला प्रहरी कार्यलय चितवनले जनाएकाे छ ।