पिस्तोल सहित एक नागरिक रामपुरमा पक्राउ

मिति २०७९/०२/२३ गते बिहानको राती अं.०१:१५ बजेको समयमा जिल्ला चितवन, भरतपुर महानगरपालिका वडा नं.४ सृष्टीचोक स्थित रामपुर चौविसकोटी सडक खण्डमा ना ४५ प २७१ नम्वर प्लेट रहेको २२० सि.सि.को मोटरसाईकल चढी आएको जिल्ला चितवन, भरतपुर म.न.पा. वडा नं. ६ बस्ने बर्ष ४० को दिपक पुनमगरलाई शंका लागी चेकजाँच गर्ने क्रममा निजको साथवाट कटुवा पिस्तोल थान -१ (एक) फेला परेकोले निजलाई तत्काल पक्राउ गरी आवश्यक अनुसन्धानको लागि यस जिल्ला प्रहरी कार्यालय, चितवनमा ल्याईएकोमा निजलाई हात हतियार तथा खरखजाना कसूरमा सम्मानित अदालतबाट म्याद थप अनुमति प्राप्त गरी थप अनुसन्धान कार्य भैरहेको । जिल्ला प्रहरी कार्यलय चितवनले जनाएकाे छ ।