“समय तिमी बलवान”
—जाडो महिनामा सुकेको दाउराको आगो ताप्ता कति मज्जा आउँछ,त्यो मज्जा त अरू कुनैसंग तुलना हुन सक्तैन।
— विवकपूर्ण काम कुरा भन्दा अर्को ठूलो कुरा यो संसारमा अरू केही छैन।
— हराएको कुनै पनि चीज पाउन सकिएला तर हराएको समय पाउन सकिन्न।
—आफ्नू फाइदाको लागि अरूलाई दुःख दिने मान्छे होइन त्यो त संसारकै सबै भन्दा तुच्छ मान्छे हो ।
—युवा युवती हुँदा गरेका गल्तीहरूले जीवनभर हैरानी ब्यहोरिरहनु पर्छ ।
— प्रत्येक मान्छेले आफूलाई एक अति आवश्यक ब्यक्तित्व हूँ भन्ने सोचेर काम गर्नु पर्छ ।
—असल मान्छेको त गाली पनि अमृत बन्छ ।
—अप्ठेरोमा पर्दा अकिल आउँछ, त्यहीबाट अनि
तागत पनि ।
— विचार र सिध्दान्त बुझ्दै नबुझि अगाडि बढ्नु भनेको भड्खालामा पर्नु हो ।
—अहंकार र दम्भ दुबै पतनका अवयबहरू हुन् ।
—अवसर पाएन भने योग्यता र क्षमता त्यसै वैलाएर जान्छ ।
—प्रेमी होस या प्रेमिका असल बन्न दुबै खुशी हुनु पर्छ ।
—गरिब हुनु भनेको पूर्व जन्मको कमाई होइन। काम गर्नेलाई शोषण गर्ने समाजीक परिपाटी र शासन संचालकहरूको उग्र अविवेक हो।
—रीस र आक्रोस दुबैले मानिसलाई क्षणिक पागल बनाउँछन् ।
—रूँदा होस् या हाँस्दा मनको बोझ हल्का हुन्छ ।
—प्रेमले समर्पण मात्र जान्दछ ।
