सहायक प्रधानाध्यापकमा सन्तोष दाहाल चयन
माडी नगरपालिका वडा नम्बर ४ खैरहनी स्थित खैरहनी माध्यमिक विद्यालयको सहायक प्रधानाध्यापकमा सन्तोष दाहाल चयन हुनु भएको छ ।विद्यालय व्यवस्थापन समितिका अध्यक्ष सुवास कुमार तिवारीको अध्यक्षतामा विहिबार बसेको बैठकले विद्यालयको सहायक प्रधानाध्यापकमा दाहालाई नियुक्त गरेको हो ।
उच्च माध्यामिक तहका शिक्षक दाहाललाई समितिको वैठकले सर्वसम्मत रुपमा सहायक प्रधानाध्यापकमा चयन गरिएको विद्यालयका प्रधानाध्यापक कुलानन्द भुसालले जानकारी दिनुभयो ।
झण्डै साढे दुई दशकदेखि शिक्षण पेशमा रहनु भएका नवनियुक्त सहायक प्रधानाध्यापक सन्तोष दाहालले विद्यालयको शैक्षिक गुणस्तर सुधार गर्नेतर्फ आफु कटिबद्ध भएर लाग्ने बताउनु भएको छ ।
दाहालले नमुना विद्यालय बनाउने उद्धेश्यका साथ आफुहरु अघि बढ्ने समेत बताउनु भयो।
